孫柏文 (AM730, 19.10.2009)

各位《am730》讀者你好！小弟名叫孫柏文，今日第一次寫本欄《大明燈》。原本我諗住趁今日係《大明燈》出世之日，同大家解釋，點解要揀呢個名做我個欄名。不過，未解釋之前，已見有識貨又有勢力之人士，為本欄全力造勢。

佢係邊個？咪就係曾特首同環境局長邱騰華。佢一知到我個欄叫《大明燈》，就即刻搞個「燈泡事件」，身支持。我只可以向佢兩位話：「孫柏文係唔會辜負您兩位老人家心機！」等等先。咩話？你唔同意？你覺得「燈泡事件」純粹係特首、政府出事，而唔係幫《大明燈》造勢？雖然你會咁諗，已敗露了你冇我有分析能力強殘酷現實，不過，我今次就假設你，幫你分析一下點解會出事，同點樣避免再令特首「揩」。

其實，今次出事百分百係邱騰華錯。我曾經形容佢為a young man in a hurry，好趕時間博上位。就係因啊局長官場公路快線飆車，一撞到就搞到車毀人亡。

每年，各大政府部門，都會收到唔少西洋人寫顧問報告，環境局當然亦唔例外。不過，唔同其他局，環境局有個好想上位邱騰華話事，搞到佢好想有政績。有政績，即係要做，而官員要做，只需解決兩個問題。就係做乜先？同邊個反對？

「做乜」，就只需倚靠西洋人顧問報告，而「邊個反對」，對環保局唔算係難題。因為「環保」喎！你敢反對「環保」咩？

所以之前就成功將膠袋稅，塞落要親身去超市買一群人喉嚨，要我硬吞。「環保」喎，所以有幾多怨氣我都要啞忍。

不過，呢顧問報告，就好似信貸評級公司報告一樣，佢千計萬計，話明百年先出事一次。投資銀行信佢，所以會用一蚊本，借40元去炒債券，點知一遇黑天鵝事件，連銀行都執埋。

邱騰華一樣，數口精明，大力做，點知點計，就係計唔到有「特首親家做慳電膽生意」呢隻黑天鵝。仲要因人人都仲記得你迫抽膠袋稅呢個仇未報，今次仲唔打政府打到街？

邱騰華本質愛上位。江山易改、本性難移，就算今次冇事，佢遲早又搞大鑊，損害特首同政府管治能力。邱局長，為特首，你係時候走。辭職吧，邱騰華！

作者為前石油業證券分析員。視股市為終身學習的場所，不斷交學費。