利世民 (Apple Daily, 8.11.2010)

以下，是一個八十後老闆對九十後打工仔，非常有啟發性的一段對話。
八十後：「我都係勸你這種大學生，無謂繼續呢間細公司捱苦。十年前，我就好似你一樣，電訊公司做data entry；打100個record，有50個搞錯，非常之hea。可惜，呢類data entry工作，老早搬晒去大陸。你想做呢類工，返大陸搵啦。」九十後打工仔不知如何對應。
八十後老闆見夥計一聲不響，繼續教訓：「如果你話：『得少少錢，又要請大學生』。
我想話你知，讀大學係你個人選擇，無人逼你。我又唔一定要請大學生。你讀完大學，並唔代表你真係做得。呢一點，希望你呢一刻會明白。算罷啦，我都係打算炒你。不如你話我知，點解我要留你？」

九十後：「老闆，我以後唔敢返工上網，我會努力做。」八十後：「努唔努力，你自己先知。不過你hea，最終蝕底係你自己。我唔介意你同我講：『老闆，我要幾多幾多。』只要你值呢個價，幫我搵到條數，我真係好樂意畀。又或者，你條氣更加唔順，自立門戶搶我客，我都只會話你叻仔。做生意，預同人爭生意。我寧願一個抄我橋人同我爭。你明唔明？」
收人工就要交貨
九十後打工仔繼續無言以對。八十後：「呢度唔係學校，你頭先語氣就好似中學生見訓導主任。辦公室，唔該你明白乜叫deliverables。我出錢請你，唔該你秤自己交貨值唔值。如果連呢樣都唔識，你又點同我講價？」九十後打工仔仍然沒有任何回應。
這位八十後老闆，和世民相識於十多年前。那時，他讀完中七便入行做珠寶。十多年了，他三十出頭，雖經歷過三次大型金融危機，但他有三層物業在手上。誰說香港沒有白手興家的故事？
利世民
http://hkliberty.wordpress.com

http://lionrockhk.blogspot.com/2010/08/blog-post_11.html