am730 (大明燈 M29, 2011.2.23)

今日又到特區派業績，即財政司長宣布佢份政府財政預算案。多唔講，孫柏文今日將會抽水議員上身，列出我「強烈要求」！

第一，一定要保衛我香港人財政儲備。你話量入為出好，定係審慎理財都好，我香港都仲可以叫西環及北京「暗示」bugger off，都係因為我財政儲備。香港大吉利是有乜大件事，都可以自救。

睇前英國殖民地愛爾蘭共和國，當年趕走英國人爭取自主權時，要流幾多血？點知一冇錢，就即刻連自主權中最基本稅收及開支，都要新宗主歐盟決定。真係個個當年為自主權捐軀愛爾蘭烈士，依家肯定死不瞑目。

近可以睇番我特區中信泰富(267)。當年英明神武咁買澳元accumulator，仲要係如果可以到今日會贏錢合約，因為當時個底唔夠厚，要向北京嗌救命。北京當然救你呢個香港同胞，不過，中信泰富單位領導就全面換晒京人，港人全被叮走。小心昨日泰富，成他朝香港。

我見到有一個叫「人民力量」組織，由銀河艦隊(Galacticos)「黃(毓民)馬(草泥)」領導，要求政府每港人派一萬蚊。之前佢話民主黨支持政改，唔夠 「堅定」，所以要狙擊佢，「人民力量」選舉時冇得贏都要拖垮你民主黨。咁就令人話有「合理懷疑」佢其實係想結束港人治港人，派來做無間道。

之前我都唔信，不過一聽到佢為「民生派錢」，仲要係李嘉誠都有隻，咁割去防京治港最大盾牌，即我儲備。真係唔信佢冇後台都好難。

第二，就係人成日講「貧富懸殊」。香港人嬲唔係有有錢人同窮人，嬲係有特權階級。而最令人氣憤就係教育。咁「好心人」引進無壓力無公開試世界，令BB入邊間playgroup，成為小朋友到中學畢業最重要一環。你估係有錢人著數，定係窮人著數呢？咁唔通會好公平咩？

到大學，就有班本地學棍挾學生以令撥款，學生出4萬元，政府再出25萬元被佢整綜援碩士。有錢人小朋友？走好耐啦！所以政府應該將每學生25萬元補貼，跟住學生走。咁學生就不知有幾多內地大學可以去，仲可以達成我真愛國派想見後生仔女認識祖國。

不過，當政府推呢個「大學草根逃生門」方案的話，一定有好多本地大學學棍、PR等，都話唔可以，話搞大學不單是為教學生咁簡單(雖然我交稅俾政府支持教育，真係好天真咁諗係純粹為學生)。有甚至會取巧話搞student exchange就得啦。

一句到尾，若政府今宣布，每學生補貼25萬元出國、返內地讀大學話，大家仲使怕生仔？孫柏文今晚就去搵個老婆幫我一齊繁殖下一代香港人！作者為前石油業證券分析員，視股市為終身學習場所，不斷交學費。