am730 (大明燈 M41, 2011.3.9)

噚日有線做電視節目時，聽到李兆富一個分析，今日要同大家分享。佢話有合理懷疑，財政司長曾俊華由「企硬六千強迫金」到忽然失蹤兩日後，轉變「不勞而獲六千銀」，其實係因為西環同北京發功掣，而唔係曾司長想。

呢個推斷，孫柏文認為唔係無理。派錢呢cheap cheap動作，就真係得港人睇唔起地方，例如新加坡先會做。

節目中，李兆富同我都有表態講過，曾俊華其實係我心中最鍾意、最覺得正直其中一位官員。

而我都話過，雖然司長無此意，不過如果佢選特首，我幫佢企街派傳單拉票都得。

至於司長其中一樣最令李兆富敬佩地方，就係令人相信最終會捍衛香港利益，特別係有外人指指點點時候。

如果今次葉劉淑儀議員已經拉橫額話自己「成功爭取」，不過亦完全違反香港中產最核心價值派錢行動，咁相信今次派錢真係由北京落命令。而司長覺得過唔到自己關，李兆富建議佢應該辭職，俾全世界知道我香港人係有底線，仲會有人見到唔時會出手。

情況就好似70年代美國，當時尼克遜總統因水門事件被查，佢因為唔想被繼續查，就落命令要司法部停止調查。不過，下面檢察官，寧願被炒或辭職，都唔肯聽呢個命令，最後成功保護比任何人更重要制度。

我諗司長可能問緊自己，當年尼克遜旗下檢察官都有問過自己問題，就係：「咩先係最重要？」最終司長同大家都要問自己，派錢真係我香港人會做事？我記得特首董建華曾經話過：「留低比離開，更加需要勇氣。」曾司長，今次絕對係離開比留低，更加需要勇氣。

不過點都好，班蝗蟲議員相信就會通過呢份財政預算案，即使就算反對議員，都應該係因為政府淨係「派六千」，而唔係派6萬元。

之前我話過，呢次係一次大規模社會實驗，當一樣米養百樣人時，派一次錢就衍生700萬種使法。而兩日前，我就同有線同事黃曉嵐傾起點用呢6,000蚊。

我話：「有人高調行出來，話因為好認同政府對市民退休後憂慮，又全面支持政府打擊通脹。所以決定將未來收到6,000蚊，全數以私人供款形式注入自己個『強迫金』戶口。」話都未講完，黃曉嵐就擘大佢對已經好大眼睛問：「？真係有咁人？」我答：「冇呀，虛構。只係問會唔會有人咁做。」

不過，如果曾司長真係為捍衛香港唔俾人指指點點，而決定辭職，我發誓，孫柏文會將我會收到6,000蚊，全數注入我個「強迫金」戶口，因為到時我挺曾俊華！