am730 (大明燈 M39, 2011.4.20)

距離最低工資正式實施尚有不足兩個禮拜時間，市面上仍然不斷傳出對打工仔負面消息。事實上，自從1月落實最低工資水平後，轉自僱、被解僱、轉散工、裁員、自動化等等消息，就從來沒有停止過。

當初大大聲聲話要幫助基層班政客，例如工聯會已經全部潛晒水，得李卓人佢個victory lap都一路跑一路俾人當過街老鼠咁打。

得番立法會一樣投票支持通過最低工資自由黨同經濟動力，係咁大數自己支持最低工資，提醒所有市民，全港最低能香港人，就係2008年選自由黨同經濟動力入立會功能組別選民。

孫柏文仲記得在最低工資立法後，亦曾經去過各個大大小小論壇同唔同人討論最低工資。當中有一次就同中文大學社會工作學系副教授黃洪一齊做講座，當時我已經話最低工資殺傷力將遠比佢想像中高，因為這個世界上，有黑天鵝，飛舞之時所引發不可預見後果，真係當日立法會話研究、爭取最低工資三十年議員都睇唔見。

黃洪教授仍然不為所動，深信最低工資可以幫助香港基層市民，之後慢慢說道：「我做過詳盡計算！我計過數！」。不愧為一代宗師，種自信、堅定確實令人暗自敬佩。我相信，如果黃洪年輕之時無選擇走上大學研究之路，或是願意出山，離開白色象牙塔，黃教授應該早已成為美國標準普爾、穆迪分析師，為次按債券評級。

Actually，諗諗都係佢，以黃教授對勞工市場modelling研究，應該好似Black同Scholes教授咁，連諾貝爾獎都贏埋。

不過講起評級公司。周一標普將美國的「AAA」信用評級前景從「穩定」調低至「負面」，令金融市場產生了一陣陣痛，特別是美國國債，價格於開市時大插水，點知同日已止跌回升。一個V型反彈，證明市場次按風暴後，已經將評級、計數、modelling等，抱住一個信佢一成、雙目失明自保態度。

當然，我仍然會相信美國證監會係唔敢去拉人，不過我香港警察就有可能去標普同穆迪辦公室踢門封艇。佢個用電腦計算出來「AAA」評級投資產品，證明係錯。標普、穆迪冇可能係無能，只可以話佢不誠實使用電腦。話說回來，黃洪講過自己對最低工資的支持、理論源於佢精密計算，但依家咁情況，唔知打工仔收唔收貨？

5月1號，最低工資生效之時，或者我英勇香港警察都應該到訪一下黃洪於中大的辦公室，將他部電腦拿返差館研究一下。經過精密計算後的最低工資，到最後都搞到咁樣，同標普、穆迪一樣，不誠實使用電腦這條罪，無得賴啦？