am730 (大明燈 M35, 2011.6.22)

新上任港澳辦主任王光亞南巡，喺對面海梳打埠出聲，話我哋香港又乜乜物物。一講完，就有啲民主黨、公民黨、街工、職工盟等，全力支持北京結束一國兩制，要我哋呢個每年人均生產幾萬美元嘅經濟體、最窮嘅市民最癡肥嘅社會，去用內地嗰套run香港。

民主黨、公民黨、街工同職工盟有咁嘅要求，你話為選票出賣以前死守一國兩制嘅原則，孫柏文仲可以理解。不過，呢個復建居屋政策，擺到明係明益公屋富戶，因為佢哋抽中機會遠大過散戶，冇理由我哋會like啩？

噚日，同個Uncle傾開特區事務，佢忽然提出一個叫「無恥榜」嘅理論。佢話公屋富戶喺榜上嘅排名，只係僅次於原居民同啲民主派議員。

原居民，我明點解，不過啲議員就要佢解釋一吓。大家要知嘅，係我呢位U n c l e，一向對民主嘅訴求非常堅定，佢話有個老外曾經話過：「Ademocracy can only exist until themajority discovers it can vote itselflargess out of the public treasury.

After that,the majority always votesfor the candidate promising the most benefits with the result the democracy collapses because of the loose fiscal policy.」

講完，Uncle可能見到我個「唔明樣」，就加多句話：「即係香港嘅民主進程，就係死喺八隻字身上，『強烈要求、成功爭取』。我哋真係犀飛利，全球第一個地方由冇民主直接去到後民主世界。」

咁聽完，我就問嗰啲係立法會議員又係公屋富戶嗰啲點？佢就答：「你講阿長毛？唉。」80、90後戇直直咁支持啲議員為公屋富戶出力掠水，果然夠戇直。

講起80後，最近我舊公司嘅單位風起雲湧，所以我亦打電話俾個喺嗰度返工嘅朋友索料。佢係個80後，雖然喺我舊單位返工，不過因為係喺我離開之後佢先入去， 所以又唔稱得上為舊同事。

點都好，聽完佢講啲人事調動之後，我就話人事上應該未塵埃落定，我問佢單位啲人點睇，佢話：「大家都覺得，it’s not the end，it’snot even the beginning of the end。But perhaps，it’s the end of the beginning。」聽完，我笑了。原來80後中都仲有港英餘孽。下次真係問吓佢識唔識唱：「個個揸住個兜……」