蘋果日報 (利字當頭 B14, 2011.7.19)

2014年，某個星期六晚上九時，永遠都有慣性收視的電視霸權，繼續播放教人悶到發瘟的綜藝節目。

「邊個邊個，等我考吓你，自從2011年最低工資立法生效後，香港邊一個行業多咗靚仔靚女？」女司儀這句「考吓你」的開場白，應該出現過5000次以上。

「咁仲使問？梗係保安員啦！自從最低工資生效之後，除咗有更多後生仔入行做保安，佢哋無論學歷同條件，都好過以前好多。我又考吓你，咁你又知唔知道，當年排除萬難，訂立最低工資嘅，係邊個吖？」電視霸權可以四十年如一日，男司儀的例牌答案也是一樣。

「我梗係記得啦！我哋仲好高興，可以請到佢為今晚嘅節目主持亮燈儀式。我哋用熱烈掌聲，有請當年為訂立最低工資不遺餘力嘅政務司司長張建忠先生（鑼鼓聲響起）……」

嘩，這個噩夢太嚇人，我無論如何也要弄醒自己。不過，回到現實，情況一樣荒誕得很！據報，今年書展，保安員日薪由400元加到520元，仍然有幾十個空缺。也有消息指，保安行業近乎全民就業，條件好一點的寧願做兼職也不去打長工，希望可以賺多一點。其他各行各業的前線員工，也紛紛報讀保安課程，報讀的人數暴增兩成六。

立法會內的職工盟和工聯會，正是再培訓計劃的最大利益者。誰知道，要是那個噩夢繼續發下去，《保安Chok樣鬥一番》的兩支參賽隊，原來就是職工盟和工聯會！

利世民

http://hkliberty.wordpress.com