爽報 (財經V30, 2012.3.12)
爽報 (財經V30, 2012.3.12)
一直以來我都認為，無論邊個做特首，未來幾年，都會畀人鬧爆。所以，我亦都好唔明白，點解為咗一個會畀人鬧爆嘅位，竟然都會爭餐飽，甚至連身邊嘅家人、朋友，個個都要出賣，認真痴線。
「傻仔！做特首，有好多利益架！」呢個講法，就更加令我覺得唔安落。究竟香港幾時變得咁道德淪亡？大有大嘅搶，細有細嘅搶；一個二個，日日就諗住佔人家便宜。
香港有咁多廢青，皆因上面有一班人，以為選個特首出來，就可以有得分。既然有錢佬財主都係咁，廢青當然有樣學樣啦。講到尾，成個香港管治嘅潛台詞係：「只要擁護中華人民共和國主權神聖不可侵犯，你地想要乜嘢着數，請隨便開聲。」
行政霸道 「中間人」得益
政府，係唔會創造任何價值。當政府用左手派着數，右手就一定要攞得更多。當一個地方，所有人都以為可以佔其他人便宜，反映呢個地方除咗集體低智，最重要係我地永遠都係益咗一班中間人。無錯，呢班中間人嘅名字，叫做政客。
Lord Acton話：「權力腐化。」真係中到入心入肺。立法會得少少權，所以議員可以貪嘅，就係小恩小惠。好似之前立法會議員話要加人工1倍，即刻畀全城圍摷。香港政制設計，好聽就叫行政主導，實情就係行政霸道；行政長官集大權於一身，有幾霸道，可想而知。
究竟香港仲有無得救呢？集權嘅問題一日唔解決，政治就只會越來越肉酸。以前，話香港人政治冷感，大家都唔覺得係一件壞事，因為當時嘅政治冷感，乃係建基於香港人寧願自求多福，等政府救濟不如自己搞。今時今日，政治冷感嘅朋友，係覺越搞越亂，無眼睇。
過去20、30年，好多香港人講到乜都好似人家欠咗佢，大條道理要人家「幫」。呢個「幫」字，其實又係政治化妝。如果你見到有人跌到，走埋去問有無事，要唔要幫手，呢種叫做關心，係出於自發。香港人，其實好鬼熱心，經常幫人。又如果有個人，不但止有能力自己企起身，其實係佢懶，唔想郁，人家問佢點解唔起身，佢反而鬧人無良心，唔幫人。
特首候選人，個個都扮晒嘢，大大聲講，佢地諗左N個辦法去「幫」人。唔該啦！睇返呢篇文嘅開頭：「傻仔！做特首，有好多利益架！」。
利世民
專欄電郵：SharpHK.Simon＠gmail.com
Facebook專頁：www.facebook.com/AppleSimon爽報 (財經V30, 2012.3.12)
一直以來我都認為，無論邊個做特首，未來幾年，都會畀人鬧爆。所以，我亦都好唔明白，點解為咗一個會畀人鬧爆嘅位，竟然都會爭餐飽，甚至連身邊嘅家人、朋友，個個都要出賣，認真痴線。
「傻仔！做特首，有好多利益架！」呢個講法，就更加令我覺得唔安落。究竟香港幾時變得咁道德淪亡？大有大嘅搶，細有細嘅搶；一個二個，日日就諗住佔人家便宜。
香港有咁多廢青，皆因上面有一班人，以為選個特首出來，就可以有得分。既然有錢佬財主都係咁，廢青當然有樣學樣啦。講到尾，成個香港管治嘅潛台詞係：「只要擁護中華人民共和國主權神聖不可侵犯，你地想要乜嘢着數，請隨便開聲。」
行政霸道 「中間人」得益
政府，係唔會創造任何價值。當政府用左手派着數，右手就一定要攞得更多。當一個地方，所有人都以為可以佔其他人便宜，反映呢個地方除咗集體低智，最重要係我地永遠都係益咗一班中間人。無錯，呢班中間人嘅名字，叫做政客。
Lord Acton話：「權力腐化。」真係中到入心入肺。立法會得少少權，所以議員可以貪嘅，就係小恩小惠。好似之前立法會議員話要加人工1倍，即刻畀全城圍摷。香港政制設計，好聽就叫行政主導，實情就係行政霸道；行政長官集大權於一身，有幾霸道，可想而知。
究竟香港仲有無得救呢？集權嘅問題一日唔解決，政治就只會越來越肉酸。以前，話香港人政治冷感，大家都唔覺得係一件壞事，因為當時嘅政治冷感，乃係建基於香港人寧願自求多福，等政府救濟不如自己搞。今時今日，政治冷感嘅朋友，係覺越搞越亂，無眼睇。
過去20、30年，好多香港人講到乜都好似人家欠咗佢，大條道理要人家「幫」。呢個「幫」字，其實又係政治化妝。如果你見到有人跌到，走埋去問有無事，要唔要幫手，呢種叫做關心，係出於自發。香港人，其實好鬼熱心，經常幫人。又如果有個人，不但止有能力自己企起身，其實係佢懶，唔想郁，人家問佢點解唔起身，佢反而鬧人無良心，唔幫人。
特首候選人，個個都扮晒嘢，大大聲講，佢地諗左N個辦法去「幫」人。唔該啦！睇返呢篇文嘅開頭：「傻仔！做特首，有好多利益架！」。
利世民
專欄電郵：SharpHK.Simon＠gmail.com
Facebook專頁：www.facebook.com/AppleSimon
