爽報 (財經V23, 2013.02.25)

周末，朋友飯局，話題仍離唔開樓市。呢啲招數又有冇效呢？政府忽然出招，係咪針對長實（001）呢？

觀點非常兩極，有朋友覺得政府今次出招唔辣，亦有朋友覺得政府此舉會令唔少中小型地產代理就此玩完。當然，就真係要睇最終結果係點。不過政府出招目的就肯定唔係針對長實。至少要對付賣酒店單嘢，唔需要一次過針對所有「炒家」。

「炒家，如果損手爛腳，真係唔需要可憐」。冇錯，雖然話要遏炒風，不過如善意去睇，政府話針對炒家又算唔算係保護炒家呢？「政府打擊炒家，係唔想樓價俾炒家炒貴啲樓！」究竟炒家有冇能力令樓價偏離合理價格？如政府都承認樓價偏離合理價格，即係話政府都係想保護炒家啦！不過，日日都有股票無厘頭升，咁政府又會唔會保護股票炒家呢？「股票點同？股票唔係必需品。你自己都講啦，炒家損手爛腳，唔抵可憐」。冇錯，但係?家政府嘅做法，令炒家更難買樓，亦更難賣樓；但冇樓喺手又反而相對易上車，呢個又係乜嘢道理？

講到尾，如果政府真係信樓市有泡沫，就更應容許炒家接貨，最好係海外炒家，尤其唔會問香港銀行借錢嗰啲；如果政府話要睇住銀行系統風險，我明白；收緊按揭，都吹你唔脹；雙倍印花稅，反而令我更覺得政府彰顯自己係「地產價格泡沫利益共同體最大得益者」嘅事實。

之前好似有個人，因為發放政府要打壓樓市嘅消息被拉。我好想知，佢放咗未？

李兆富