信報財經新聞 (獅子山學會) 2016-12-10

辣招令更多人變李潤庭

「阿仔，你係時候成家立室啦。」阿媽說。「但係阿媽，我依家層樓得兩間房，Judy講到明話覺得太細，唔夠住。將來我哋有BB，工人瞓邊？」阿明回答。

「爹哋媽咪都知，所以我哋決定幫你畀首期，供多一層大的畀你同Judy。依家呢間屋仔，就留返畀將來小朋友啦。」「不過，我同爹哋大家商量過，因為依家辣招，你又已經有層樓，如果新個層寫你兩個個名，就要畀重辣招，好似倒水落海咁唔抵。」「咁點算？」「阿仔，都唔係話阿媽唔擔心你，Auntie Joanna個仔，結婚唔夠兩年，就離婚收場。你知你份人啦，玩玩吓咁。

傳統家庭觀念更易破裂

層樓買畀你哋兩個唔係唔得，如果靜係寫Judy個名，可以慳翻差唔多成100萬。不如咁啦，聽張律師話，其實可以用張Prenup，即係婚前協議書，一早寫定，萬一、只係萬一你同Judy離婚，層樓要平分，咁樣安全啲。」

如果有億萬富豪都因為辣招才第一次用自己個名來買樓慳印花稅，相信同樣會有人會買樓後簽婚前協議書。

有研究指出，簽了婚前協議書的夫婦，離婚率會較高。原本離婚最怕分家產，但現在要分家產，就必須離婚，如果神聖的婚姻都不敵一張合約，將來香港只會愈來愈多李潤庭。

其實可能大家不知，香港今天的離婚率，已經是全世界最高的地方之一，甚至與美國差不多一樣高（香港每千人離婚率3.1，美國為3.2）。雖然婚姻為私人安排，即為家事，原本並不為本學會關注的議題，但是由於公共政策的影響，並不只樓價上落，成交增加減少，又或者土地問題本身，而現在香港的政策已經影響家庭文化這個概念。學會對於政策鼓勵傳統家庭觀念破裂下，可能變成受害者的下一代，必定要注視此問題。

港大王于漸教授，多年前已經公布研究政府樓宇政策如何影響離婚率。根據教授的研究顯示，住在公屋的人，離婚率較住私樓的高。每千個公屋住戶，平均有128位離婚人士，但住私樓的只有82位。而且，如果看收入，收入愈低，離婚者便愈多，比較高收入人士高幾倍。

現在公屋輪候要幾耐，大家都知。王教授以公屋戶離婚為例說：「通常阿媽帶住對仔女繼續住公屋，阿爸就同隻狐狸精搬出去住劏房，跟住就要求畀阿仔個名嚟申請公屋！」如果一對已婚夫婦離婚，一方帶着子女，申請新的公屋單位，可以排快線等新的單位。在所有人頭痛不夠地方住的時候，可以優先得到新的公屋單位。如果離婚就有新屋住，那麼離婚率愈來愈高，應該是誰人都能明白的原因。

是婚姻愈來愈不神聖，所以離婚率愈來愈高？還是因為政策影響，離婚變成攞着數的動機，令人對婚姻不再認真？究竟是有雞先還是有蛋先？筆者並不知道。但辣招和公屋政策，的確會令更多人放棄傳統家庭觀念，直接令下一代受害。

白仲祺

獅子山學會營運總監