am730 ( 大明燈 M32 , 2011.2.16)

情人節日，我舊僱主份報紙頭版「報道」，26歲中文大學碩士梁健鵬經歷，引起各界人士注意。孫柏文認真敬佩呢位鵬哥，從一個傳媒人角度去看，孫柏文寫Blog，身邊亦有不少同事、朋友寫Blog，但從未寫到上A1頭版，鵬哥呢方面成就，都可算係無出其右。

日有幸主持電台節目時，請得鵬哥作座上客，聽佢講述自己心路歷程，亦令我別有一番感受。

回想當年返到香港，亦曾雙失好一段時間，不同的是，鵬哥比我叻，就係佢有個我冇MSc，同當年我懶到連綜援都無。但除呢兩樣外，孫柏文作為過來人，對鵬哥經驗，係感同身受。

我絕對覺得鵬哥要檢討。佢話自己見過200份工，甚至連快餐店M記都見過。但態度絕對係見工時，其中一件最重要事，鵬哥眼中流露出，那種對碩士畢業生身份那種自豪中帶了一點傲慢，例如見麥記時，係都要「我係中大碩士，我寫埋落去，吹咩？」擺到明玩。

鵬哥曾經表示，自己人際關係比較差，所以造成今日境況。佢亦「未紅時」網上哭訴話，搵工要靠人際關係，仲話呢係社會敗壞現象。但事實上，做老闆，請人有熟人介紹，比無熟人介紹好好多。搵好、靠得住人，你估咁易，如果有你信得過人，同你介紹個佢話信得過人，真係易。

有唔少老闆、打工仔，開工後，先發現請錯人、入錯行，浪費大家時間同資源。

至於今日請人，隨時收數以百計申請信，與其用咁多時間逐個見，不如有個熟人介紹，方便之餘，又多個人格保證，搵一個合適人選自然比較易。

我都唔怕認，我呢咁另類材料，真係由畢業至今，所搵到工全部都係熟人介紹。我呢件畸胎坐個中層HR經理前，first round已經out啦。

講番今次鵬哥事件，受害最深，都應該係中文大學統計學，其他本地大學學棍睇怕都唔可以倖免於難。

試想想，如果將來又有畢業生搵唔到工，拿住張畢業證書，加上一張綜援紙，作為失業證書影番幅相，再返學校要脅會公告天下，睇怕各本地大學既得利益集團，為保源源不絕大學撥款，點都要幫佢死都死份工返。

不過，孫柏文相信鵬哥都應該好快搵到工、返到工。佢話自己改善態度，雖然無咩人相信。

孫柏文就節目之中做個實驗，用100蚊去利誘佢，對住個Mic講：「孫柏文係全香港最靚仔！」無理要求？係。不過結果佢都照做，孫柏文亦信守承諾，奉上100蚊。能夠接受老闆不合理要求，鵬哥搵到工之日，亦不遠矣。